Ferðakynning frá Spáni í Smáralind

Ferðamálastofa Spánar helsur ferðakynningu í Smáralind þann 11. og 12. nóvember næstkomandi. Slagorð kynningarinnar er “I need Spain” og munu fulltrúar frá ferðamálastofu Katalóníu og Valensíu kynna sín héruð auk fulltrúa frá ferðamálastofu Spánar www.tourspain.es

Kynningin verður opin föstudaginn 11. nóvember frá kl. 11-18 og laugardaginn 12. nóvember frá kl. 11-17. Auk þess að kynna mismunandi áfangastaði á Spáni verður boðið upp á að smakka mat frá Spáni í boði INNNES og saltfisk frá Íslandi í boði Atlantic Quality Fish og Íslandsstofu.

Gítarleikarinn Þorvaldur Már Guðmundsson mun bjóða uppá lifandi spænska gítartóna á föstudaginn milli kl. 15:30 og 16:30 og á laugardaginn milli kl. 13 og 15.

Spánn er stórveldi á sviði ferðaþjónustunnar og býður uppá marga og ólíka áfangastaði svo allir ættu að geta fundið eitthvað við sitt hæfi. Landið er Íslendingum vel kunnugt, og þá aðallega fyrir sólarstrendur sínar. En landið hefur uppá margt annað að bjóða einnig eins og t.d. ferðir um Jakobsveginn, og svo er landið einnig vinsælt hjá íslenskum námsmönnum sem sækja mikið í nám á Spáni. Mörg flugfélög fljúga á milli Íslands og Spánar núna og er alltaf að fjölga áfangastöðunum.

Til að fræðast meira um Spán, menningu og matarmenningu landsins þá getið þið komið við á ferðakynningunni í Smáralind á föstudaginn 11. eða laugardaginn 12. nóvember.

Nánari upplýsingar:

Trine Fredrikke Pedersen +47 22 83 76 75 Trine.pedersen@tourspain.es

Xavier Rodriguez +354 659 95 88 info@espana.is